Thursday, March 10, 2011

Halloween party 2010

 
2010 оны 10-р сарын 31-ний орой Iloft function House-д APU компанийн хамт олны зохион байгуулсан "Green spot Halloween party"-д бүх Ротаракт клубынхан маань "Далайн дээрэмчид" сэдвийн доор нэгдэж өөр өөрийн өвөрмөц төрх бүхий далайн дээрэмчид болон хаант засгийн үеийн цэргүүд болсон бөгөөд туг далбаагаа намируулсаар орж ирж буй далайн дээрэмчид маань тун чиг сүр бараатай харагдаж байлаа.Тус party-ны "Best costumas" өргөмжлөлийг далайн дээрэмчид буюу ротарактууд маань гардан авсан бөгөөд, мартагдашгүй оройг хамтдаа өнгөрүүлсэн Ротарактууддаа баяр хүргэе!

Tuesday, March 1, 2011

2010 – 2011 оны бүх Ротаракт, Интаракт клубуудын аварга шалгаруулах сагсан бөмбөгийн тэмцээн

2010 – 2011 оны бүх Ротаракт, Интаракт клубуудын аварга шалгаруулах сагсан бөмбөгийн тэмцээн



Жил бүр бүх Ротаракт, Интаракт клубын дунд уламжлал болон зохион байгуулагддаг сагсан бөмбөгийн аварга шалгаруулах 2010 – 2011 оны тэмцээн 2010 оны 10 сарын 24 –ны өдөр зохион байгуулагдаж өнгөрлөө. Энэ удаагийн тэмцээнийг бүх Ротаракт клубуудын анхдагч болох Улаанбаатар Ротаракт клуб зохион байгуулалтын ажлыг амжилттай гүйцэтгэсэн юм. 
Тэмцээнд Улаанбаатар, МУИС, Хүрээ, Сэлбэ, Анагаах Ротарактууд, Орчлон, Хобби Интарактуудын эрэгтэй 8, эмэгтэй 5, нийт 13 баг оролцож бүтэн өдрийн турш “Биеийн тамирын дээд сургууль” –ийн спорт зааланд хурд хүч, авъяас чадвараа сорин өрсөлдлөө.

“ЭРГЭЛТ –ээр ИТГЭЛ –ийг” төсөл

“ЭРГЭЛТ –ээр ИТГЭЛ –ийг” төсөл
Энэхүү төсөл нь манай Улаанбаатар Ротаракт клубын санаачлагаар 2010 – 2011 онд цоо шинээр эхэлж байгаа үйл ажиллагаа бөгөөд төслийн гол санаачлагч нь клубын энэ оны Ерөнхийлөгч ноён Мөнхбаяр юм.
Төслийн гол зорилго нь Улаанбаатар хотын дүүргүүдийн болон клиникийн эмнэлэгт хэвтэн эмчлүүлэгч амьжиргааны түвшин доогуур иргэд болон эргэлт ирдэггүй ганц бие хүмүүсийг эргэх юм. Эдгээр хүмүүсийг хэвтэн эмчлүүлж байх хугацаанд нь эргэснээр сэтгэлийн урам зориг, итгэлийг өгч ямарч төрлийн өвчтэй байсан хурдан эдгэрэх, бие нь тэнхрэх зэрэг эерэг үр дүн гарна гэж бидний зүгээс үзэж байна.